QUENES SOMOS
A Asociación de Desenvolvemento Rural “Ódega” é unha entidade para todos os habitantes do rural galego, e moi especialmente para os agricultores e gandeiros.
A existencia desta asociación ten como fins, entre outros:
- Promover e colaborar activamente en todas cantas tarefas e actividades estean encamiñadas á promoción social, económica e formativa dos habitantes do medio rural.
- A realización de programas e actividades que contribúan á modernización, implantación de procesos de calidade, protección do medio ambiente e calquera outras actividades de innovación e diversificación no medio rural e que redunden na calidade de vida dos seus habitantes.
- Promover e participar de todos aqueles programas de desenvolvemento rural que promovan as distintas administracións públicas ou privadas.
- Servir de centro de información e asesoramento aos seus socios, facilitando a participación en proxectos e actividades de desenvolvemento rural.
- Prestar servizos de aconsellamento ás explotacións agrogandeiras, para o que fomos autorizadas pola Xunta de Galicia.
QUE FACEMOS
En Ódega prestamos servizos de asesoramento de xestión empresarial e técnico agrario aos profesionais e emprendedores do medio rural co obxectivo de contribuír a mellorar a rendibilidade das pequenas empresas e das explotacións agropecuarias e ao fomento do emprendemento no medio rural.
Proxecto LAGUNAJE - Valorización de residuos agrarios na comarca do Deza
O proxecto pretende a creación dunha “Planta de compostaxe” para a xestión conxunta de: Galinácea e purín, procedentes de explotacións avícolas e porcinas intensivas, xunto con restos vexetais(restos de podas, limpeza de montes, restos de cultivo, etc.)que se xeran no seu entorno. A planta estará formada por dúas infraestruturas diferenciadas: unha zona de elaboración de compost e un sistema hibrido de humedais artificiais de fluxo combinado superficial e subsuperficial. Para apoiar o funcionamento da planta crearanse tres “Puntos verdes” para a recollida dos residuos vexetais da zona. O proxecto ofrece a posibilidade do “Compost á carta”. Isto supón a elaboración de distintos tipos de compost en función da súa aplicación posterior e das necesidades dos diferentes cultivos. Ademais o proxecto inclúe a elaboración dun “Plan de viabilidade”, que permita o funcionamento da Planta de Compostaxe, unha vez finalizado o mesmo.
Cursos e xornadas:
Fomento da produción de castaña na provincia de Pontevedra como alternativa de aproveitamento agroforestal.
Xullo a decembro 2018
O cultivo da castaña como alternativa a outros aproveitamentos forestais do monte.
Aprende as labores necesarias para o cuidado dun soto de castaños, como realizar novas plantacións, como e cuando podar e inxertar.
Saber detectar a tempo enfermidades como o chancro,atinta ecomoremedialas,paraqueos castiñeiros estén sans e sexan produtivos.
ONDE ESTAMOS
A nosa sede está no concello de Ordes, pero dispoñemos de puntos de atención repartidos en toda Galicia.
ASOCIACIÓN DE DESENVOLVEMENTO RURAL "ODEGA"
RUA CAMPOMAIOR, 7
15680 ORDES
(A CORUÑA)
981 68 0114 - adrural.odega@gmail.com
ENLACES
